Voss purschider As maina en moda segira tras il process da colliaziun cun il DEP
Suenter che Vus avais tschernì il purschider da DEP adattà per Vus, cumenza il process da colliaziun. Quel vegn fatg directamain sur il purschider che Vus avais tschernì. Per quest intent èsi da far ils suandants pass:
2
Process d'admissiun
Contactai directamain il purschider da DEP tschernì. El As vegn ad infurmar davart l'ulteriur proceder sco er davart eventuals custs.
3
Colliaziun cun il DEP
Voss purschider da DEP As vegn a manar tras il process da la colliaziun tecnica. I dat pliras pussaivladads da sa colliar cun il DEP: da la simpla soluziun da portal sur l'integraziun cumpletta en Voss sistem d'infurmaziun. As infurmai tar Voss purschider da DEP e tar Voss purschider dad IT.
4
Utilisar il DEP en il mintgadi
Per utilisar il DEP en il mintgadi dovri process organisatorics ch'èn definids ed examinads. Voss purschider As vegn ad instruir, co utilisar il DEP. Suenter pudais Vus cumplettar Voss proceders interns, instruir il persunal ed observar correspundentamain las prescripziuns da la protecziun da datas. Sch'ina pazienta u in pazient ha in DEP, ston las datas relevantas per il tractament vegnir archivadas en il DEP.
.svg){kind=logo}