Per che Vus possias avrir in DEP, stuais Vus en in emprim pass tscherner in purschider da DEP ch'è certifitgà tenor la lescha federala. Areguard lur purschida sa differenzieschan ils purschiders da DEP tras il process d'avertura, tras la lingua e per part tras funcziuns supplementaras. Mintga persuna po avrir sezza il DEP online u tar in post d'avertura uffizial. En mintga cas dovri ina identitad electronica per avrir in DEP. Vus pudais tscherner libramain Voss purschider da DEP, perquai che las plattafurmas dals differents purschiders da DEP èn cumpatiblas. Il DEP funcziuna en l'entira Svizra.
Suenter che Vus avais tschernì il purschider da DEP adattà per Vus, cumenza il process d'avertura. Quel vegn fatg directamain sur il purschider che Vus avais tschernì. Per quest intent èsi da far ils suandants pass:
2
Identitad electronica
Per l'access segir al DEP duvrais Vus ina identitad electronica certifitgada. As infurmai sin la pagina d'internet da Voss purschider da DEP davart las identitads electronicas che vegnan sustegnidas. Sche Vus n'avais anc betg ina tala identitad, vegn il purschider a manar Vus tras quest process ed a mussar, co che Vus obtegnais questa.
3
Dumonda d'avrir in DEP
Voss purschider As maina en moda segira tras il process d'avertura. Legiai las cundiziuns dal formular da consentiment per avrir Voss DEP e suttascrivai tal a maun u cun agid da Vossa identitad electronica. Voss DEP vegn alura avert. Quai po durar in pèr dis.
4
S'annunziar en il DEP
Pli tard survegnis Vus las datas d'access. Cun quellas As pudais Vus annunziar en Voss DEP sin il portal respectiv dal purschider. Tut tenor purschider stuais Vus colliar Voss DEP cun Vossa identitad electronica, cura che Vus As annunziais per l'emprima giada. Tar las futuras annunzias sin il portal da DEP duvrais Vus mo anc Vossa identitad electronica.
.svg){kind=logo}