Tge basas giuridicas ha il DEP?

La Confederaziun s'engascha activamain per realisar la Strategia eHealth Svizra. Quai fa ella oravant tut cun elavurar la Lescha federala davart il dossier electronic dal pazient (LDEP).

La LDEP descriva e definescha il dossier electronic dal pazient (DEP) sco instrument per las pazientas ed ils pazients per

  • augmentar la qualitad dal tractament medical
  • meglierar ils process da tractament
  • auzar la segirezza da las pazientas e dals pazients
  • augmentar l'effizienza dal sistem da sanadad e
  • promover la cumpetenza da las pazientas e dals pazients en chaussas da la sanadad

    • Per quest intent regla la LDEP ils aspects organisatorics, tecnics e relevants per la segirezza:

  • l'installaziun d'in DEP
  • ils dretgs d'access da las persunas spezialisadas dal sectur da sanadad
  • l'access als documents medicals en situaziuns medicalas d'urgenza
  • l'identificaziun da las pazientas e dals pazients sco er da las persunas spezialisadas dal sectur da sanadad en il DEP
  • l'elavuraziun d'uschenumnadas «cuminanzas da tschep» e da «cuminanzas» sco er
  • l'agid finanzial da la Confederaziun

    • Link extern: La Lescha federala davart il dossier electronic dal pazient (LDEP)

    Dossierpazient.ch è la plattafurma d'infurmaziun uffiziala davart il dossier electronic dal pazient (DEP) dad eHealth Suisse, da la Confederaziun e dals chantuns.